Tu hee tu…

Written by Anju
Resource AnmolBol Poetry Site

Naa jaane kiss modd par laa kar kahaadaa kar waqt ne mujhe,
Zindagi bhi tu hai aur maut bhi…
Naa jaane ye kaisaa anokhaa bandhan hai,
Milan bhi tujhse hai aur zudaayi bhi..
Naa jaane ye kaisi dor hai vishwaas ki,
Saath bhi tu hai aur pyaas bhi..
Naa jaane ye kaisi hai raah jeevan ki,
Manzil bhi tu hai aur haar bhi…
Naa jaane ye kaisa pyaar hai mera tumse,
Khushi bhi tu aur aansoo bhi…
Naa jaane kyo maanga tha tumhe rabb se,
Tamanna bhi tu hai aur tapasyaa bhi..
Naa jaane kyo ro rahaa hai mera dil aur Nam hai meri aankhein,
Jodd bhi tu rhaa hai aur chhodd bhi….